十月就黎一個全馬，五小時時限，天氣不似預期的凍，老實真係有d 壓力！尤其對我呢D會係六七八月唞暑的 hea 友黎講。不過壓力其實亦都係動力嘅來原，今年決定一改陋習，刻意保持操練，免得由比賽變成長課，咁就唔係幾好啦 !!
今年旺水，第四場雨戰，不過都好，肯定唔會有太陽高掛熱死人的情況出現。
係 JR 站有免費 shuttle 去會場，排隊上車係常識，日本人更會一個跟一個由車尾座起，實在太有秩序了😅
先同終點影張相先，免得被車返黎無得影。
起點係球場外面，要排隊行出去起點。
微雨中出發 !!
跑左兩三 k, 雨基本上停左，同埋 feel 到熱，除左件便利雨衣，袋住先以防萬一。
過左 10k 後， 開始離開市區進入無人地帶。
當經過 10k 牌時，突然發現好似無經過任何 sensor, 心下一涼，唔係弱到無分段計時嘛？
到 12k, 俾我追到 4:30 pacer, 跟左一陣發覺唔對路，因為佢嘅追隨者實在太多人，好鬼逼下，反而打亂自己步速。所以決定加速賣甩佢。
15k, 突然又黎好大雨，唯有著返件便利雨，不過，打氣的朋友真係無得頂，擔遮企係到繼續打氣無走人，真係好感動！
由 13k - 20k, 其實沿途都係上上落落，感覺係整體向上，仲要逆風而上，本應難睚，但心諗 20k 折返時會係整體落斜+順風，步履即刻輕鬆左，越跑仲越好力添。
到20k u turn 位，今次望真d 真係無sensor, 即係大會無計分段時間，大會又真係幾弱 wooor. 需然普遍跑手都有自己的計時錶，但大會無理由唔做囉，咁有人 cheating 未都無得 check !?
(又中伏)
頭先講，折返後應該係繼續上上落落，不過整體應該係落。但真係跑起上黎，完全 feel 唔到有落囉，唯一 feel 到嘅係順風，所以 pacing 都仲 keep 到。 去到 27 k - 30 k, 直上 3k 無落過，真係好惡頂，簡單講呢 17 k (由13-30k 段)， 完
全以為自己跑緊美記半馬加強版。
睚完 30k 望望錶，仲有差唔多 2 hrs 剩低，完賽都基本上無問題了 ☺☺☺
31 k 開始，見返 d 攝影師，原本下跌緊嘅心態再次被激昂起來 !
心諗計計數，要 4:30 完賽餘下 7k，只要 pacing 唔穿 7 就 ok, 突然心念一轉，決定唔俾 4:30 pacer 過自己，慢慢再加速。不過我加速唔代表能賣甩佢地，由 6:50 pacing 加到 6:30 pacing, 腳步聲只有越黎越近，直頭好似係你後面咁樣。搞到 37k 補給站都唔夠膽停低食野。
明明已經加速左，但轉一個灣，pacer 突然同我平排跑，望望錶，pacing 係 6:15，個 pacer 洗唔洗咁快呀，想要了我條命咩！？ 不知那裡來的力量，將 pacing 再推至 6:00, 終於開始可以賣甩佢。
不過爆發力只係曇花一現，去到 41k pacing 跌返到 6:50 左右，而 4:30 pacer 又再追到黎，今次真係爆唔起，唯有目送佢嘅離開！
最後臨到會場嘅大直路，大會代言人高橋尚子同大家擊掌打氣，點都要影一影先繼續。
衝線喇，4:30 pacer 係到為大家作最後的激勵。
最後，4:27 完走，一個無諗過的時間，真係多謝 pacer 嘅幫助，臨走都要同佢影張合照先。
睇返自己分段 pacing，真係多得個 pacer 高橋小姐唔小架☺☺☺
即刻有證書拎，俾埋 file 你添
今次大會嘅完賽『獎牌』係食得嘅 --> 新潟飯糰一舊
會場食物攤販基本收剩呢個年糕檔口，係免費嘅！
另一位代言人尾崎 好美同你影完賽時間相
慣常日本路跑嘅大會攝影都會同你係 backdrop 前影張戴草帽相，不過新潟馬竟然無 wooor, 只有義工幫你用手機影。(第三次中伏)
第一張，無左個 『新』字
第二張無左 1/3 行字，俾佢激死！！
離開會場，先去免費沖涼先
再補碳
踏JR 回東京預備明天最後行程
係 JR 無聊未整下 VIDEO，應援團表現
後記第四伏，返到香港好期待官方相片，點知竟然無得好似其他日本比賽咁有 bulk purchase soft copy 呢個服務。佢地逐張實體相+相架盛惠 ¥3xxx
send 左 email 去問希望有回覆啦，唯有暫時 cap 圖頂住先。
話說下年 新潟馬會嚟一個大改革，希望真係會將 D 伏有大改善啦 ！！
後記：2017 真係有新路段， 睇嚟似跑多D市區路段， 最重要係由 5小時變成七小時時限呢 ！！
