趁重陽節放星期一， 剛好可以參加新潟馬拉松，GO GO GO ！！
又係零晨機出發， 唔駛 7：00AM 就已經到達JR東京站， 先嚟個早飯， 換埋 JR PASS , 搭乘新幹線出發往新潟。
第一次坐雙層新幹線添，兩小時車程最好瞓返轉補充下零晨機的睡眠不足。
落車第一站行程係去會場拎號碼布先，天氣真係麻麻， 明天又會是一場水戰。
基本上會場 EXPO 無咩特別， 最特別就係要俾 500 YEN 買一個寄存行李袋，真係搵笨， 呢 D 嘢一向都包架啦， 邊有理由要另外收錢架。大會其實已經無 T SHIRT， 無完賽獎牌，真係有 D中伏 FEEL （其實仲有好多）。
唯一有兩樣好， 送咗張錢湯地圖俾我， 方便跑手跑手跑完可以沖個靚涼先走人，亦都驚大家未跑已經想泡湯，即送你大會毛巾一條，保證有得抹身，呢下都幾細心。
新潟市為了呢次馬拉松， 搞咗兩個應援大會 （其實唔知係未）， 首先去古町搵食。
再行去景點萬代橋
最後行去朱鷺觀光塔， 咁啱係樓下見到轉紅咗既掃帚草
觀景台真係要 TEA 一 TEA休息下先
既然大會送埋毛巾 + 錢湯地圖， 點都要去泡一泡先。呢 D 地道錢湯，真係同睇日劇個 D 一樣，男女湯用一塊牆分隔， 真係可以隔住牆都傾到計
行咗成日， 係時候去 BIC CAMERA 按下腳先， 再補下碳，最後返酒店預備明天的水戰。
為咗有好表現，臨瞓前再嚟一個另類加碳
明天賽程，其實條路都真係幾恐佈，上上落落無停過，最慘仲要得五小時時限，真係有 D 壓力添 ！！！
