2014 廣州馬拉松。(23/11/2014)
第一次返中國跑馬拉松, 亦都係第一次跟美和團. 不過凡事都有第一次的
基本上兩日一夜團係無行程, 早上係關口集合就直車去拎號碼布, 返酒店自由時間, 包你4餐, 有車接送係咁多啦.
夜晚預備好戰衣就訓 luuuuu
報名時無諗過 11 月尾都仲咁熱,更加未試過係 28°C 高溫下作賽,預左實死, 當操一次長課啦
好彩廣洲綠化做得好好,公路兩旁都有植樹,大家係條賽道左右穿插,目的就係揾樹陰,真係幾搞笑。
可惜好景不常,19k 同半馬分手後, 20-25k 竟然一顆樹都無,乾煎5k 即刻謝曬。唯有玩下自拍啦
最後10k, 睚到去珠江舊城個邊,風景真係好正,兩旁d 樹唔知有無過百年歷史?最重要係能夠將三條行車線賽道完全遮陰,方便我半行半跑睚返終點。
沿途比賽氣氛都唔錯, 好過渣馬好多, 如有多 d 美小女打氣團就更好啦
補給站一定有蕉你食, 贏左渣馬幾條街,
臨入終點好攪笑, 要男左女右甘分開衝線, 有d 奇怪.
相信亦都係第一次, 跑完無拉筋即刻離開會場, 因為實在太曬, 完全無地方遮陰, 拎完大會給我的獎牌後, 第一時間自我獎勵 : 可樂一大罐 !!!
今次玩完隻"熱馬", 好快輪到隻 "冷馬" (唔知會唔會變左做"雪馬"), 超期待!!